മലർവാടി ഖുർആൻ മത്സരങ്ങൾ-2017

on Tuesday, May 9, 2017


പരിശുദ്ധ റമദാനോടനുബന്ധിച്ച് മലർവാടി ബാലസംഘം ഖത്തർ ഘടകം  പതിമൂന്ന് വയസ്സ് വരെയുള്ള കുട്ടികൾക്കായി സംഘടിപ്പിച്ചു വരുന്ന ഖുർആൻ പാരായണ - ക്വിസ് മത്സരങ്ങളുടെ ഏഴാമത് സീസണിലേക്കുള്ള  ഓൺലൈൻ രെജിസ്ട്രേഷൻ ആരംഭിച്ചതായി മലർവാടി ഭാരവാഹികൾ അറിയിച്ചു.

റയ്യാൻ, ബിൻ ഉംറാൻ, വക്റ, നജ്മ, ഓൾഡ് എയർപോർട്ട്, ബിൻ മഹ് മൂദ്, വുഖൈർ, മാമൂറ, ഗറാഫ, അൽ ഖോർ എന്നീ 10 കേന്ദ്രങ്ങളിൽ വെച്ച് മെയ് 20 ശനിയാഴ്ചയാണ് പ്രാഥമിക റൗണ്ട് മത്സരങ്ങൾ നടക്കുക. പ്രാഥമിക തലത്തിൽ മികവ് പുലർത്തുന്ന കുട്ടികളെ പങ്കെടുപ്പിച്ചുകൊണ്ട് മെയ് 27 ശനിയാഴ്ച്ച  മെഗാ ഫൈനൽ നടക്കും.

ഖുർആൻ പാരായണ മത്സരത്തിന്  ജൂനിയർ (ഏഴ് വയസ്സ് മുതൽ പത്ത് വയസ്സ് വരെ) വിഭാഗത്തിൽ സൂറത്ത് അന്നാസ് മുതൽ സൂറത്തുൽ അലക്ക് വരെയും, സീനിയർ (പത്ത് വയസ്സ് മുതൽ പതിമൂന്ന് വയസ്സ് വരെ) വിഭാഗത്തിൽ സൂറത്തു ത്തീൻ മുതൽ സൂറത്തുൽ മുത്തഫ്‌ഫിഫീൻ വരെയുള്ള  ഭാഗങ്ങളുമായിരിക്കും അവലംഭിക്കുക. ഇസ്ലാമിക് ക്വിസ് മത്സരത്തിൽ ഒരു വിഭാഗമേ ഉണ്ടാവൂ,  പതിമൂന്ന് വയസ്സ് വരെയുള്ള കുട്ടികൾക്ക് പങ്കെടുക്കാവുന്ന ക്വിസ്  ഇസ്ലാമിലെ അടിസ്ഥാന അനുഷ്ഠാന  ആരാധനാ കർമങ്ങളായ  ശഹാദത്ത്, നമസ്കാരം, നോമ്പ്, സക്കാത്ത്, ഹജ്ജ് എന്നീ വിഷയങ്ങളെ അടിസ്ഥാനമാക്കിയായിരിക്കും നടക്കുക.

വിശദ വിവരങ്ങൾക്ക് ബന്ധപ്പെടുക: 55442789/55298247/55648979/55726655

Registration closed...

മാപ്പിളപ്പാട്ട് മത്സരം- 2017

on Tuesday, April 4, 2017


മലർവാടി ബാലസംഘം ഖത്തർ ഘടകം 13 വയസ്സ് വരെയുള്ള കുട്ടികൾക്കായി സംഘടിപ്പിച്ച  മാപ്പിളപ്പാട്ട്   അഞ്ചാമത് സീസണിലെ മത്സരങ്ങൾക്ക് വർണ ശബളമായ പരിസമാപ്തി.   

ഓൺലൈൻ വഴി രജിസ്റ്റർ ചെയ്ത നൂറ്റി അമ്പതോളം കുട്ടികളിൽ നിന്ന്  ഖത്തറിലെ പത്ത്  ഏരിയകളിൽ വെച്ച് നടത്തിയ പ്രാഥമിക മത്സരങ്ങളിലൂടെ തിരഞ്ഞെടുത്ത 48 കുട്ടികളാണ് ജൂനിയർ, സീനിയർ എന്നീ വിഭാഗങ്ങളിലായി  ഫൈനലിൽ മാറ്റുരച്ചത്.
ജൂനിയർ വിഭാഗത്തിൽ ഹന ഹഫ്സ (വുഖൈർ), നുഹ അഷ്‌റഫ്‌ (ബിൻ ഉംമ്രാൻ), ഹംദ (വുഖൈർ) എന്നിവർ യഥാ ക്രമം ഒന്നും രണ്ടും സ്ഥാനങ്ങൾ നേടിയപ്പോൾ , സീനിയർ വിഭാഗത്തിൽ നിഹാൽ അബ്ദുൽ റഷീദ് (ഗരാഫ) ഒന്നാം സ്ഥാനവും, മുഹമദ് റിസ്‌വാൻ ഹബീബ് (വക്‌റ)  രണ്ടാം സ്ഥാനവും നേടി, മൂന്നാം സ്ഥാനം  ആസ്മി അബ്ദുൽ ഷുക്കൂർ (റയ്യാൻ), ദിയ അഫ്രീൻ (ദുഖാൻ)  എന്നിവർ പങ്കിട്ടു.   

സമ്മാനദാന ചടങ്ങിൽ ഇന്ത്യൻ ഇസ്ലാമിക് അസോസിയേഷൻ ജനറൽ സെക്രട്ടറി അബ്ദുൽ സലാം കെ, വനിതാ വിഭാഗം ജനറൽ സെക്രട്ടറി സറീന ബഷീർ, മലർവാടി ആക്ടിങ് കോഡിനേറ്റർ അബ്ദുൽ കാദർ  കെ.എം.പി, സെക്രട്ടറി ശംസുദ്ധീൻ കെ. എന്നിവർ സംബന്ധിച്ചു.

വഹീദുദ്ധീൻ, അബ്ദുൽ ലത്തീഫ് വി.പി, സിദ്ദിഖ് പടിയത്ത്, നദീറ അഹമദ്, അസ്മ അബ്ദുള്ള, സൈനബ അബ്ദുൽ ജലീൽ, സുമയ്യ റഫീഖ്,ആബിദ, ഫഹീമ റിയാസ്, ഖദിജ നൗഷാദ്, അബ്ദുൽ ജലീൽ എം.എം, എന്നിവർ മത്സരങ്ങൾക്ക് നേതൃത്വം നൽകി

മലർവാടി പെയിന്റിംഗ് വർക്ക്ഷോപ്പ്

on Friday, December 30, 2016

മലർവാടി ഖത്തർ ഘടകം 8 മുതൽ 13 വയസ്സുവരെയുള്ള കുട്ടികൾക്കായി പെയിന്റിംഗ് വർക്ക്ഷോപ്പ് സംഘടിപ്പിക്കുന്നു.

2017 ജനുവരി 6 വെള്ളിയാഴ്ച്ച ഉച്ചക്ക് 1:30  മണി മുതൽ 4:00 മണി വരെ FCC ഹാളിൽ വച്ചാണ് ശിൽപശാല.ആദ്യം രജിസ്റ്റർ ചെയ്യുന്ന 150 കുട്ടികൾക്കു മാത്രമായിരിക്കും പങ്കെടുക്കാൻ അർഹതയുണ്ടാവുക.

പ്രായം - 2004 ജനുവരി 1 മുതൽ 2008 ഡിസംബർ 31 വരെ ജനിച്ച കുട്ടികൾ.
രജിസ്‌ട്രേഷൻ ഫീസ് - 10 റിയാൽ.

റമദാന്‍ ഖുര്‍ആന്‍ മത്സരങ്ങള്‍ 2016

on Saturday, May 21, 2016

മലര്‍വാടി ഖത്തര്‍ ഘടകം പരിശുദ്ധ റമദാനിനോടനുബന്ധിച്ച് സംഘടിപ്പിക്കുന്ന ആറാമത് ഖുര്‍ആന്‍ മത്സരങ്ങളുടെ രജിസ്ട്രേഷന്‍ ആരംഭിച്ചു. ജൂനിയര്‍*(8 വയസ്സ് മുതല്‍ 10 വയസ്സ് വരെ), സീനിയര്‍**(10 വയസ്സ് മുതല്‍ 13 വയസ്സ് വരെ) എന്നിങ്ങനെ രണ്ടു വിഭാഗങ്ങളിലായിരിക്കും മത്സരങ്ങള്‍.

ഖുര്‍ആന്‍ ക്വിസ്സ് - രണ്ടു വിഭാഗങ്ങള്‍ക്കും 85 മുതല്‍ 114 വരെയുള്ള അധ്യായങ്ങളില്‍ നിന്നും എഴുത്തു രൂപത്തിലായിരിക്കും ഖുര്‍ആന്‍ ക്വിസ്സിന്റെ പ്രാഥമിക റൌണ്ട്. തിരഞ്ഞെടുക്കപ്പെടുന്ന കുട്ടികള്‍ക്കുള്ള മെഗാഫൈനല്‍ - മള്‍ട്ടിമീഡിയയിലായിരിക്കും.

ഖുര്‍ആന്‍ പാരായണ മത്സരം - ജൂനിയര്‍ വിഭാഗത്തിന് 100 മുതല്‍ 114 വരെയുള്ള അദ്ധ്യായങ്ങളും സീനിയര്‍ വിഭാഗത്തിന് 85 മുതല്‍ 99 വരെയുള്ള അദ്ധ്യായങ്ങളും അവലംബമാക്കിയായിരിക്കും പാരായണ മത്സരങ്ങള്‍.

*സീനിയര്‍ - 2003 ജൂണ്‍ 1 മുതല്‍ 2006 മെയ് 31 വരെ ജനിച്ച കുട്ടികള്‍
**ജൂനിയര്‍  - 2006 ജൂണ്‍ 1 മുതല്‍ 2008 മെയ് 31 വരെ ജനിച്ച കുട്ടികള്‍

പാട്ടുത്സവം - വർണശഭളമായ പര്യവസാനം

on Monday, January 4, 2016


മലർവാടി പാട്ടുത്സവം - വർണശഭളമായ പര്യവസാനം ദോഹ: മലർവാടി ബാലസംഘം ഖത്തർ ഘടകം പ്രമുഖ ഹൈപർ മാർക്കറ്റ്‌ ശ്ര്യംഖലയായ സ്മൈൽ ഹൈപർ മാർക്കറ്റുമായി സഹകരിച്ചുകൊണ്ട് 15 വയസ്സ് വരെയുള്ള കുട്ടികൾക്കായി നടത്തിയ മലയാളം പാട്ടുൽസവത്തിൽ കിഡ്സ്‌ വിഭാഗത്തിൽ സഹൽ അബ്ദുൽ ലത്തീഫ്, ജൂനിയർ വിഭാഗത്തിൽ ഷൈഖ ഖാലിദ്‌, സീനിയർ വിഭാഗത്തിൽ ഫാത്തിമ സന എന്നിവർ വിജയികളായി. നൂറു കണക്കിനു കുട്ടികൾ പങ്കെടുത്ത വർണശഭളമായ പരിപാടിയിൽ കിഡ്സ്‌ : മജിമ പ്രദീപ്‌, അഫ്ര സൈനബ്, ദാനിയ നെസ്രിൻ (രണ്ടു പേരും മൂന്നാം സ്ഥാനം), ജൂനിയർ വിഭാഗത്തിൽ സാദ് അബ്ദുൽ ലത്തീഫ്, അസ്മി അബ്ദുൽ ശുക്കൂർ (രണ്ടു പേരും രണ്ടാം സ്ഥാനം) റൌമി സൈനബ്, സീനിയർ വിഭാഗത്തിൽ ഫാത്തിമ അബ്ദുൽ അസീസ്‌, നൂൻ നയീം എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. കിഡ്സ്‌ വിഭാഗത്തിൽ മിനാൽ ഹബീബ് പ്രത്യക പുരസ്കാരം നേടി. വിജയികൾക്ക് ഗ്രാൻഡ്‌ മാർട്ട് ഗ്രൂപ്പ്‌ ജനറൽ മാനേജർ മൂസ കല്ലിങ്ങ, റിജിണൽ ഡയറക്ടർ അമീർ ചക്കാരത്ത്, റിജിണൽ മാനേജർ അബ്ദുൽ മനാഫ്, റിട്ടെയിൽ വിഭാഗം പ്രധിനിധികളായ ആബിദ്, അമീൻ,സൂരജ്, വോയിസ്‌ ഓഫ് കേരള പ്രോഗ്രാം ഡയറക്ടർ യദീന്ദ്രൻ മാസ്റ്റർ, മലർവാടി ചീഫ് കോഡിനേറ്റർ സിദ്ദിഖ് പടിയത്ത് എന്നിവർ സമ്മാനങ്ങൾ വിതരണം ചെയ്തു. രക്ഷിതാക്കൾക്ക് വേണ്ടി നടത്തിയ ഐഡിയൽ കപ്പിൾ മത്സരത്തിൽ ഷമീൽ, ഷജ് ല ദമ്പദികൾ ഒന്നാം സ്ഥാനവും, നജീം, സജ്ന ദമ്പദികൾ രണ്ടാം സ്ഥാനവും കരസ്ഥമാക്കി. അസ്മ അബ്ദുള്ള, നദീറ അഹ് മദ്, സജ്ന നജീം, റബീന നസീർ, സൈനബ ജലീൽ, സുനില ജബ്ബാർ, സുമയ്യ റഫീഖ്, അനീസ യുസഫ്, കദിജ നൗഷാദ്, അബ്ദുൽ കാദർ, സിയാദ്, അബ്ദുൽ ലത്തീഫ് വി.പി. മലർവാടി സെക്രട്ടറി അബ്ദുൽ ജലീൽ എം എം എന്നിവർ പരിപാടികൾ നിയന്ത്രി ച്ചു.